Открытый урок Буква ,, А

,,Аа” հնչյուն-տառի ուսուցման բաց դասը <<Ռուսաց լեզու>> առարկայից անցավ բովանդակալից և ուսուցողական: Դասի դաստիարակչական, կրթական և զարգացնող նպատակները հաջորդում էին միմյանց : Դասը հագեցած էր համապատասխան նյութերով , դիդակտիկ պարագաներով, նաև ՝ ջերմությամբ: Կիրառվեց բազմաբնույթ մեթոդներ և ձևեր: ուսուցիչ՝ Ա. Բաբայան:

ԱԻՆ

2018թ. հոկտեմբերի 18-ին ՀՀ ԱԻՆ ՍՊԾ համակարգի աշխատակիցների օգնությամբ <<ՀՀ տարածքում սեյսմիկ ռիսկի նվազեցման համալիր ծրագրի>> շրջանակներում <<Հր. Ոսկանյանի անվան Կապանի թիվ 12 հիմն. դպրոց>> ՊՈԱԿ -ում իրականացվեց սեյսմիկ պաշտպանության վարքականոնների ուսուցում ՝ դասախոսության և ֆիլմերի դիտման միջոցով: Նպատակը՝ գործնականում բարձրացնել սովորողների երկրաշարժին դիմակայելու գիտելիքների մակարդակը: Դպրոցի տնօրեն՝ Ա. Ավանեսյան:

Ա հնչյուն-տառի ուսուցում

Եվս մեկ անգամ ըմբոշխնեցինք առաջին դասարանցիների թոթովախոս ասմունքը , դասի, ուսուցչի, դպրոցի, դպրության նկատմամբ վեհ ու պատասխանատու վերաբերմունքը , որը բխեց <<Աա>> հնչյուն-տառի ուսուցման նպատակներից: Արհեստավարժ անցումներով, միջառարկայական կապերով, ֆիզկուլտ դադարներով , ծեփով, ավազով, երգով ու վառվռուն աչքերով գանձերս… հպարտության զգացում ապրեցի… Շնորհավորում եմ դասվար Շ. Մնացականյանին և ծնողներին:

Սպորտլանդիա

Առարկայական հերթական ստուգատեսը <<ֆիզկուլտուրա>> առարկայից 1-3-րդ դասարաններում: Դիտարկվեց և գրանցվեց սովորողների կարողությունները. ա) հեռացատկ տեղից բ) վազք (20 մ) գ) փոքր գնդակի նետում մրցաձևերում՝ տարեվերջին համեմատելու և զարգացման առանձնահատկությունները գնահատելու համար: Հաղթողները պարգևատրվեցին պատվոգրերով և հուշամեդալներով: Ուսուցիչ՝ Լ. Թաթարյան:

Շնորհավոր տոնդ , ուսուցիչ

2018թ. հոկտեմբերի 5-ին Կապանի թիվ 12 հիմն. դպրոցում կայացավ ցերեկույթ նվիրված ուսուցչի օրվան: Միջոցառումը կազմակերպել էր աշակերտական խորհրդի նախագահ Դավիթ Զաքարյանը: Ծաղիկներ, հոգեթով խոսքեր, երախտագիտությամբ լցված ժպիտներ…

Շառլ Ազնավուր

Հեռացավ մեծ հայն ու աշխարհաքաղաքացին, հավերժի ուղեկից Շառլ Ազնավուրը: Ի մեծարումն նրա հիշատակի՝ Կապանի թիվ 12 հիմնական դպրոցում հոկտեմբերի 4-ին անցկացվեց միջոցառում <<Շառլ Ազնավուր>> խորագրով: Կրկին համակվեցինք այն վեհությամբ ու հպարտությամբ, որ ազգակիցն ենք Շահնուր Վաղինակ Ազնավուրյանի, կրկին զմայլվեցինք նրա կատարումով, ով կարողացավ դառնալ հայության դեսպանը ողջ աշխարհում:

ԱԽ նախագահի ընտրություն

Այս անգամ աշակերտական խորհրդի նախագահի հավակնորդները երեքն էին՝ 7-րդ դասարանցիներ Վալենտինա Գասպարյանն ու Դավիթ Պապյանը, վեցերորդցի Դավիթ Զաքարյանը:Սերյոժա Վեզիրյանը ներկայացրեց անցած մեկ ուստարվա կատարած աշխատանքների հաշվետվությունը՝ հաջողություն մաղթելով թեկնածուներին, որոնք հանգամանորեն ներկայացրեցին իրենց նախընտրական ծրագրերը:Փակ գաղտնի քվեարկության արդյունքում, ձայներ հաշվող հանձնաժողովը արձանագրեց Դավիթ Զաքարյանի հաղթանակը:ՈՒսուցչուհի Նելի Սարգսյանը ներկայացրեց աշխորհրդի նախագահի պարտականությունները, կազմավորվեցին նոր հանձնաժողովներ: Պահը պատմական էր: Հաջողություն մաղթենք մեր երեխաներին: Դպրոցի տնօրեն Ա.Ավանեսյան:

Անկախություն — 27

2018թ.սեպտեմբերի 20 -ին Հրանտ Ոսկանյանի անվան Կապանի թիվ12 հիմնական դպրոցում օրը տոնական է: Տոնականորեն է զարդարված դահլիճն ու միջանցքները, տոն է բոլորիս հոգիներում: Անկախության գիտակցումը լավատեսորեն է տրամադրել բոլորին, հույսեր ներշնչել,ոգևորել: Օրհներգի խրոխտ հնչյուններից հետո սովորողները փառաբանեցին հայոց զինվորներին ու սպաներին, հայոց բանակին, արժևորեցին հայոց պետական խորհրդանիշերը, գլուխ խոնարհեցին զոհվածների հիշատակի առաջ. . . Միջոցառումը կազմակերպել էր պատմության ուսուցչուհի Ն. Սարգսյանը: Տնօրեն Ա.Ավանեսյան