Ուսուցչի թափուր տեղի համար մրցույթ

2018թ.-ի սեպտեմբերի 7-ին տեղի ունեցավ դասվարի  թափուր տեղի համար մրցույթ : Մրցույթի համար հայտ էր ներկայացրել մեկ դիմորդ : Մրցույթն անցավ պատշաճ մակարդակով՝ օրենքով սահմանված կարգով: Մրցույթի միակ հավակնորդը՝ Շուշան Մնացականյանը ,գրավոր  փուլում 100 միավորից հավաքեց 98 միավոր , իսկ բանավոր փուլում՝ հիմնական և հարակից հարցերի պատասխանների արդյունքը դրական էր :Մրցույթի ամփոփիչ արձանագրությունը ներկայացվեց լիազոր մարմնին:  Շնորհավորում ենք սկսնակ մանկավարժին և մաղթում ստեղծագործ և արդյունավետ աշխատանք:

Մրցույթային հանձնաժողովի նախագահ Ա. Ավանեսյան

Մաքուր Հայաստան -08.09.2018թ.

<<Մաքուր Հայաստան>>  ծրագրի շրջանակներում Կապանի թիվ 12 հիմնական դպրոցի սովորողները իրականացրեցին մաքրման և բարեկարգման աշխատանքներ դպրոցամերձ տարածքում, հարակից մարզադաշտում և համայնք տանող ավտոճանապարհին: Նրանց հետ շաբաթօրյակի աշխատանքներին միահամուռ մասնակցում էին դասղեկները, ուսուցիչներն ու դպրոցի անձնակազմը:Մնում է պահպանել արդյունքը և լուծել աղբահանության խնդիրները. . .

Սեպտեմբերի 1

Գիտելիքի , գրի ու դպրության օրը տոնական տրամադրություն էր տիրում Կապանի թիվ 12 հիմն. դպրոցում: Տոնական միջոցառման հյուրն էր նույն դպրոցի նախկին աշակերտ, Սյունիքի մարզպետարանի զարգացման ծրագրերի և վերլուծության բաժնի պետ Էդգար Մարտիրոսյանը, որն էլ ներկայացրեց Սյունիքի մարզպետ պարոն Կարեն Համբարձումյանի ուղերձը՝ նվիրված ուսումնական տարվա մեկնարկին:

Գիտելիքի օր

Սիրելի դպրոցականներ… Սիրով Ձեզ հրավիրում ենք գիտելիքի, գրի և դպրության օրվան նվիրված տոնական միջոցառմանը, որը տեղի կունենա սեպտեմբերի 1-ին ժամը 8:30-ին Հրանտ Ոսկանյանի անվան Կապանի թիվ 12 հիմն. դպրոցի բակում: Աշնանային առաջին օրվա գունեղությունն ու բազմահանդերձ բնության գեղեցկությունը կրկին վայելենք միասին` Ձեր ծնողների , ուսուցիչների և հյուրերի հետ: Դպրոցի տնօրեն` Անահիտ Ավանեսյան:

Ավարտական վկայականների հանձնում

Դպրոցի շրջանավարտներն ու դասղեկը անակնկալ մատուցեցին տնօրենին՝ պարգևելով երջանկություն, կատարած աշխատանքի նկատմամբ վեհի ու վաստակածի զգացողություն՝ թեկուզև ոչ պաշտոնական:

Ձեզ՝ իմ սիրելիներ, հզոր ու աննկուն ճախրանք, կյանքի նկատմամբ մեծագույն սեր, հաղթանակներ՝ ջինջ ու մաքուր հայրենական երկնքի ներքո:

Բարին ընդ Ձեզ, ի՛մ զավակներ …

Հայտարարություն

 

 

 

 

 

 

 

 

 

Հրանտ Ոսկանյանի անվան Կապանի թիվ 12 հիմնական դպրոցը հայտարարում է 2018-2019 ուստարվա 1-ին դասարանցիների ընդունելություն:
Փաստաղթերի ընդունման ժամկետը՝ 2018թ. հունիսի 1-ից մինչև օգոստոսի 31-ը ներառյալ:
Պահանջվող փաստաթղթեր՝
1. Ծնողի կամ օրինական ներկայացուցչի դիմում:
2. Սովորողի ծննդյան վկայականի պատճենը:

3. Տեղեկանք սովորողի հանրային ծառայությունների համարանիշ հատկանեցնելու մասին /սոցիալական քարտ/:
3. Տեղեկանք սովորողի առողջության մասին:
4. Տեղեկանք  սովորողի հաշվառման մասին:
5. 2 լուսանկար՝ 3×4 չափի:

6. Ծնողի կամ օրինական ներկայացուցչի անձնագրի պատճենը:

Տնօրենություն՝ հեռ. /0285/ 2-47-90

Ակսել Բակունցի տուն-թանգարան

2018 թ. հունիսի 23-ի օրվա երկրորդ կեսը առավել քան ուսումնական էր: Ուսանելի էր հանդիպումը Ակսել Բակունցի թանգարանում: Ակսել Բակունց (Ալեքսանդր Ստեփանի Թևոսյան 1899. հունիսի 25- 1937թ. հուլիսի 7), հայ խորհրդային արձակագիր է, գրականագետ, կինոսցենարիստ, թարգմանիչ, գյուղատնտես, ԽՍՀՄ գրողների միության անդամ 1934 թվականից։ Ծնվել է Սյունիքի մարզի Գորիս քաղաքում։1917-1918-ին որպես շարքային զինվոր մասնակցել է Աշկալայի, Իլլիջայի, Արդահանի կռիվներին և Սարդարապատի ճակատամարտին։ Խնամքով պահպանված մասունքներ, ընտանեկան հազվագյուտ լուսանկարներ, փայտյա բարձրարժեք փորագրություններ, մշակութային արժեքներ ներկայացնող գոհարներ. . Հապա միրհավը, հիշատակի խաչքարը ,կանաչի յոթ երանգները խնամված այգում. . . Անհուն սիրով ներկայացվեց Բակունցի կյանքն ու գործունեությունը . . . Հայտնում ենք մեր խորին երախտագիտությունը